ಕೇರಳಸುವರ್ಣ ಗಿರಿ ಟೈಮ್ಸ್
9 ವರ್ಷದ ಬಾಲಕನಿಗೆ ಲ್ಯಾಪ್‌ಟಾಪ್‌ ಉಡುಗೊರೆ: ಸಚಿವ ರಾಜೀವ್‌ ಚಂದ್ರಶೇಖರ್‌
ತಿರುವನಂತಪುರ: ರೈಲು ಪ್ರಯಾಣದ ವೇಳೆ ಭೇಟಿಯಾಗಿದ್ದ 9 ವರ್ಷದ ಪುಟ್ಟ ಪೋರನಿಗೆ ಕೇಂದ್ರ ಮಾಹಿತಿ ತಂತ್ರಜ್ಞಾನ ಖಾತೆ ಸಹಾಯಕ ಸಚಿವ ರಾಜೀವ್‌ ಚಂದ್ರಶೇಖರ್‌ ಲ್ಯಾಪ್‌ಟಾಪ್‌ ಉಡುಗೊರೆ ನೀಡಿದ್ದಾರೆ. ಈ ವಿಷಯ ಜಾಲತಾಣದಲ್ಲಿ ನೆಟ್ಟಿಗರ ಪ್ರಶಂಸೆ ಗಿಟ್ಟಿಸಿಕೊಂಡಿದೆ.
ತ್ರಿಶೂರ್‌ನಿಂದ ಕಲ್ಲಿಕೋಟೆಗೆ ಭಾರತ್‌ರೈಲಿನಲ್ಲಿ ಸಚಿವರು ಪ್ರಯಾಣಿಸುತ್ತಿದ್ದಾಗ ಶ್ರಿರಾಮ್‌ ಎಂಬ ಬಾಲಕ ಸಚಿವರೊಂದಿಗೆ ಮಾತಿಗಿಳಿದಿದ್ದಾನೆ. ಅಲ್ಲದೆ, ಆತ ಲ್ಯಾಪ್‌ಟಾಪ್‌ನಲ್ಲಿ ತಾನೇ ಖುದ್ದು ರಚಿಸಿದ್ದ ಕ್ರಿಯೇಟಿವ್‌ ವಿಡಿಯೋಗಳನ್ನು ಉತ್ಸಾಹದಿಂದ ರಾಅವರಿಗೆ ತೋರಿಸಿದ್ದಾನೆ. ಈ ವೇಳೆ ಅವರು ಆತನಿಗೆ ಹೊಸ ಲ್ಯಾಪ್‌ಟಾಪ್‌ ಕೊಡಿಸುವ ಭರವಸೆ ನೀಡಿದ್ದರಂತೆ. ಅದರಂತೆ ಬಾಲಕನಿಗೆ ಸಚಿವರು ಲ್ಯಾಪ್‌ಟಾಪ್‌ ಕಳುಹಿಸಿಕೊಟ್ಟಿದ್ದು, ಈ ವಿಚಾರವನ್ನು ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಬಾಲಕನ ಭವಿಷ್ಯ ಉಜ್ವಲವಾಗಿರಲಿ ಎಂದೂ ಆಶಿಸಿದ್ದಾರೆ.
