ನಿವೃತ್ತ ಸೈನಿಕನಿಗೆ ಹನಿಟ್ರ್ಯಾಪ್ ಆರೋಪ: ಖ್ಯಾತ ಮಲಯಾಳಂ ನಟಿ ಅರೆಸ್ಟ್.
ಕೊಲ್ಲಮ್: ನಿವೃತ್ತ ಸೈನಿಕರೊಬ್ಬರಿಗೆ ಹನಿಟ್ರ್ಯಾಪ್ ಆರೋಪಕ್ಕೆ ಸಂಬಂಧಿಸಿದಂತೆ ಮಲಯಾಳಂ ಸೀರಿಯಲ್ ನಟಿ ನಿತ್ಯಾ ಸಸಿ ಹಾಗೂ ಆಕೆಯ ಗೆಳೆಯನನ್ನು ಪರವುರ್ ನಲ್ಲಿ ಪೊಲೀಸರು ಬಂಧಿಸಿದ್ದಾರೆ.
75 ವರ್ಷದ ಮಾಜಿ ಸೈನಿಕ ಹಾಗೂ ಕೇರಳದ ವಿಶ್ವವಿದ್ಯಾಲಯದ ಮಾಜಿ ನೌಕರನನ್ನು ನಟಿ ಹನಿಟ್ರ್ಯಾಪ್ ಖೆಡ್ಡಾಗೆ ಕೆಡವಿದ್ದಳು. ಮಾಜಿ ಸೈನಿಕ ತನ್ನ ಮನೆಯನ್ನು ಬಾಡಿಗೆಗೆ ನೀಡಲು ಯತ್ನಿಸಿದ್ದ. ಈ ವೇಳೆ ಮಾಜಿ ಸೈನಿಕನ ಸಂಪರ್ಕಕ್ಕೆ ಬಂದ ನಟಿ ಆತ್ಮೀಯಳಾಗಿ ವರ್ತಿಸಿದ್ದಾಳೆ. ಮಾಜಿ ಸೈನಿಕನನ್ನು ತನ್ನ ಮನೆಗೆ ಕರೆಸಿಕೊಂಡು ವಿವಸ್ತ್ರಗೊಳಿಸಿ ಬಲವಂತದಿಂದ ಫೋಟೊಗಳನ್ನು ತೆಗೆದ ಬಳಿಕ ಫೋಟೋಗಳ ಮೂಲಕ 25 ಲಕ್ಷ ಹಣ ನೀಡುವಂತೆ ಬ್ಲ್ಯಾಕ್ ಮೇಲ ಮಾಡಿದ್ದಾಳೆ. ನಂತರ ಮಾಜಿ ಸೈನಿಕ ಸುಮಾರು 11 ಲಕ್ಷ ರೂಪಾಯಿ ನೀಡಿದ್ದಾರೆ.
ಬಳಿಕ ಇನ್ನಷ್ಟು ಹಣಕ್ಕೆ ಬೇಡಿಕೆ ಇಟ್ಟು ಬೆದರಿಕೆ ಹಾಕಿದ್ದ ನಟಿ ಹಾಗೂ ಆಕೆಯ ಗೆಳೆಯನ ವಿರುದ್ಧ ಮಾಜಿ ಸೈನಿಕ ಪರವೂರು ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ನಟಿ ಹಾಗೂ ಆಕೆಯ ಗೆಳಯ ಬಿನು ಎಂಬಾತನನ್ನು ಬಂಧಿಸಿ ತನಿಖೆ ನಡೆಸಿದ್ದಾರೆ.
