ABVP ಪ್ರತಿಭಟನೆ ವೇಳೆ ಬಸ್ ಗೆ ಕಲ್ಲೆಸೆದ ಕಿಡಿಗೇಡಿಗಳು !!

ಗದಗ: ವಿದ್ಯಾರ್ಥಿಗಳಿಗೆ ಬಸ್ ಸೌಲಭ್ಯ ಸರಿಯಾಗಿ ಕಲ್ಪಿಸುವಂತೆ ಒತ್ತಾಯಿಸಿ ABVP ಸಂಘಟನೆ ಹಮ್ಮಿಕೊಂಡಿದ್ದ ಪ್ರತಿಭಟನೆ ವೇಳೆ ಪೊಲೀಸರ ಜೊತೆಗೆ ವಾಗ್ವಾದ ನಡೆಸಿದ ಘಟನೆ ನಡೆದಿದೆ.

ಗದಗ ನಗರದ ಪಂಡಿತ ಪುಟ್ಟರಾಜ ಕವಿ ಗವಾಯಿಗಳ ಬಸ್ ನಿಲ್ದಾಣದಲ್ಲಿ ಈ ಘಟನೆ ನಡೆದಿದ್ದು. ಬಸ್ ನಿಲ್ದಾಣದ ಒಳಗೆ ಬರುತ್ತಿದ್ದ ಬಸ್ ತಡೆಯಲು ಮುಂದಾಗಿದ್ದ ವೇಳೆ ಬಸ್‌ನ ಮುಂದಿನ‌ ಗಾಜು ಜಖಂಗೊಂಡಿದೆ. ಆದರೆ ‌ಪ್ರತಿಭಟನೆ ನಡೆಸುತ್ತಿದ್ದ ವಿದ್ಯಾರ್ಥಿಗಳೇ ಗಾಜು ಜಖಂಗೊಳಿಸಿದ್ದಾರೆ ಎಂದು ಸಿಟ್ಟಾದ ಸಾರಿಗೆ ಸಿಬ್ಬಂದಿ ಹಾಗೂ ಪೊಲೀಸರು ಪ್ರತಿಭಟನಾಕಾರರ ಜೊತೆಗೆ ಮಾತಿನ ಚಕಮಕಿ ನಡೆಸಿದರು.

ಗಾಜು ಜಖಂಗೊಳ್ಳಲು ನೀವೆ ಕಾರಣ ಎಂದು ಎಬಿವಿಪಿ ಸಂಘಟನೆಯ ಕಾರ್ಯಕರ್ತರನ್ನು ಪೊಲೀಸರು ತರಾಟೆಗೆ ತೆಗೆದುಕೊಂಡರು.ಆದರೆ ಗಾಜು ಜಖಂಗೊಳ್ಳಲು ನಾವು ಕಾರಣರಲ್ಲ. ಬಸ್ ತಡೆಯಲು ಮುಂದಾದಾಗ ಚಾಲಕ ಮೈಮೇಲೆ ಬಂದಾಗ ತಡೆದಿದ್ದೇವೆ. ಗಾಜು ಮೊದಲೆ ಒಡೆದಿತ್ತು ಎಂದು ಕಾರ್ಯಕರ್ತರು ಪ್ರತಿವಾದಿಸಿದರು.